Milli Məclis sədrinin müavini Valeh Ələsgərov "Avrasiya enerji təhlükəsizliyi: bazara çıxış və investisiya siyasəti" mövzusunda keçiriləcək Beynəlxalq Konfransda iştirak etmək üçün iyunun 19-dan Tbilisiyə səfər edəcək. Bu barədə Trend ə Milli Məclisin mətbuat xidmətindən bildiriblər.
Konfrans Beynəlxalq Enerji Agentliyi və Gürcüstan dövlətinin təşəbbüsü ilə keçirilir. Tədbirdə yerli enerji siyasəti və bazarın strukturu, enerji təhlükəsizliyi siyasəti, təchizata verilən tələblər və tranzitlə bağlı məsələlər müzakirə olunacaq.
Parlament sədrinin müavini müzakirəyə çıxarılacaq məsələlərə Azərbaycan tərəfinin mövqeyini bildirəcək.
Səfər iyunun 21-də başa çatacaq.