Azərbaycan Demokrat Partiyası (ADP) Gəncə şəhər, Daşkəsən və Xanlar rayon təşkilatlarının bir qrupu Azərbaycan Yolu Siyasi Hərəkatına qoşulub. Bu barədə Trend ə adıçəkilən hərəkatın mətbuat xidmətindən bildiriblər.
Onu da qeyd ediblər ki, ADP-nin adıçəkilən təşkilatlarından Azərbaycan Yolu Siyasi Hərəkatına qoşulanlar bəyanat qəbul edərək bundan sonra fəaliyyətlərini bu hərəkatda davam etdirəcəklərini bildiriblər.
ADP-nin Gəncə şəhər təşkilatından 17, Xanlar rayon təşkilatından 16, Daşkəsən rayon təşkilatından isə 5 nəfər istefa verib.