Naxçıvan MR Kənd Təsərrüfatı Nazirliyi yanında Dövlət Baytarlıq Xidmətinə 2 ədəd xüsusi təyinatlı dezinfeksiya avtomobili, 1 ədəd "Niva" markalı maşın üzərində quraşdırılmış soyuducu aparat, 1 ədəd "Nissan" markalı xidməti avtomobil, dezinfeksiya aparmaq üçün xüsusi geyim dəstləri, çiləyicilər və dezinfeksiya maddələri verilib.
Baytarlıq Xidmətininin rəisi Əbil Əbilov bildirdi ki, laboratoriyalar təmir edilərək yeni avadanlıqlarla təchiz olunub.
Hər il dərman preparatları alınır, mal-qara arasında peyvənd aparılır. Hazırda MR-də 333 nəfər baytarlıq xidməti ilə məşğul olur, 62 baytarlıq məntəqəsi, 3 sərhəd məntəqəsi, 10 sərhəd-nəzarət məntəqəsi, 8 baytarlıq idarəsi, 7 baytarlıq laboratoriyası, 1 Respublika Baytarlıq Laboratoriyası fəaliyyət göstərir. UDON -2 xüsusi təyinatlı dizenfeksiya avtomobilləri QAZ 33 markalı avtomobillərin bazasında quraşdırılıb. Avtomobillərin hər birinin ümumi tutumu 2400 litr olan çəni var. Çəndə müxtəlif dərman maddələrini qarışdırmaq , çiləmək üçün texniki imkanlar quraşdırılıb.
Baytarlıq Xidməti binasında 3 ədəd böyük soyuducu kameralar quraşdırılıb. Bu kameralarda bioloji preparatlar, dizenfeksiya maddələri müəyyən olunmuş temperaturda saxlanılır. Ali Məclisin sədri V.Talıbov Baytarlıq Xidmətinin iş şəraiti ilə tanış olub.