NATO Ermənistan-Azərbaycan, Dağlıq Qarabağ münaqişəsi üzrə aparılan sülh danışıqlarının gedişini diqqətlə izləyir və münaqişənin sülh yolu ilə həllinə ümid edir. Trend in xəbər verdiyi kimi, bu barədə oktyabrın 9-da Bakıda jurnalistlərə NATO baş katibinin Cənubi Qafqaz və Orta Asiya ölkələri üzrə xüsusi nümayəndəsi Robert Simmons bəyan edib.
O bildirib ki, Bakıya bir sıra məsələləri, o cümlədən Azərbaycan-NATO münasibətlərini və regionda vəziyyəti müzakirə etmək üçün gəlib.
Oktyabrın 9-da səhər xüsusi nümayəndə ölkənin müdafiə naziri Səfər Əbiyevlə danışıqlar aparıb. İkinci görüş isə xarici işlər naziri Elmar Məmmədyarovla keçirilib.