...

"Azadlıq" siyasi bloku mətbuata dəstək məqsədilə silsilə piketlər keçirəcək

Siyasət Materials 31 Oktyabr 2006 16:16 (UTC +04:00)

Trend-i buradan izləyin

"Azadlıq" siyasi bloku mətbuata dəstək məqsədilə silsilə piketlər keçirəcək. Bu barədə Trend ə blokun həmsədri Əli Əliyev məlumat verib.

O bildirib ki, oktyabrın 31-də "Azadlıq" bloku Sədrlər Şurasının toplantısı keçirilib və orada Azərbaycandakı ictimai-siyasi vəziyyət, mətbuata təzyiqlər, "Azadlıq" qəzeti və digər KİV-lərin binadan çıxarılması məsələsi, həmçinin blokun yaxın və uzaq gələcəyə dair fəaliyyəti barədə müzakirələr aparılıb.

Qərara alınıb ki, "Azadlıq" blokunun "Mətbuata dəstək" piketləri keçirilsin. Prezident Aparatının və digər dövlət qurumlarının qarşısında keçirilməsi nəzərdə tutulan aksiyaların bu həftə ərzində keçirilməsi və davamlı xarakter alması məqəsədəuyğun sayılıb. Piketlərlə bağlı texniki işlər "Azadlıq" qəzetinə dəstək məqsədilə yaradılmış təşkilat komitəsinə həvalə olunub.

"Azadlıq" bloku həmçinin noyabrın 3-də Beynəlxalq Mətbuat Mərkəzində "Azad söz təhlükədədir" mövzusunda dəyirmi masa keçirəcək, toplantıya dövlət qurumlarının, insan haqları təşkilatlarının, beynəlxalq qurumların, KİV-lərin nümayəndələri dəvət olunacaq.

Qeyd edək ki, "Azadlıq" blokunda 4 müxalifət partiyası- Azərbaycan Xalq Cəbhəsi (AXCP), Liberal, Vətəndaş və İnkişaf (VİP), Azərbaycan Demokrat (ADP) partiyaları təmsil olunur.

Xəbər lenti

Xəbər lenti