Azərbaycan prezidenti Parisdə Fransanın rəsmi şəxsləri ilə bir sıra görüşlər keçirəcək. Bu barədə eksklüziv olaraq Trend ə Azərbaycanın YUNESKO-dakı daimi nümayəndəliyinin fövqəladə və səlahiyyətli səfiri Eleonora Hüseynova bildirib. İlkin proqrama əsasən, yanvarın 29-31-i üçün planlaşdırılmış dövlət səviyyəli səfər gedişində Azərbaycan prezidentinin Fransa prezidenti, parlament və senat sədrləri, eləcə də ölkənin baş naziri ilə görüşü keçiriləcək. E.Hüseynova bildirib ki, Azərbaycan prezidentinin şərəfinə Yelisey sarayında təntənəli ziyafət mərasimi təşkil ediləcək, bu mərasimə 300-dən artıq qonaq dəvət edilib.
...
