Bu gün Salyanda "quş qripi" təhlükəsi əleyhinə zona müşavirəsi keçirilib. Müşavirədə Kənd Təsəçrrüfatı Nazirliyt yanında Dövlət Baytarlıq Xidmətinin, Ekologiya və Təbii Sərvətlər, Səhiyyə Nazirliklərinin, Masallı, Bələsuvar, Salyan, Neftçala rayonlarının müvafiq qurumlarının, habelə İcra Hakimiyyəti, Hüquq-mühafizə orqanları və Təhsil şöbələrinin rəhbərləri iştirak edib.
Yığıncaq Milli Park və qoruqların yerləşdiyi, eyni zamanda köçəri quşların müvəqqəti məskunlaşdığı ərazilərdə nəzarət tədbirlərini gücləndirmək məqsədi ilə çağırılıb. Tədbirdə çıxış edən Səhiyyə Naziri Oqtay Şirəliyev indiyədək şübhəli simptomlarlarla xəstəxanaya yerləşdirilmiş xəstələrin, o cümlədən vəfat etmiş 2 nəfər Salyan və Neftçala sakinlərini heç birində "quş qripi" virusunun aşkarlanmadığını bildirdi. Bununla yanaşı qeyd etdi ki, yerli səhiyyə təşkilatları və digər müvafiq qurumlar hər bir hala hazır olmalı və qabağlayıcı tədbirlər daha da gücləndirilməlidir. Respublikanın baş sanitarı Abbas Vəlibəyov isə öz çıxışında bu günədək görülən nəzarət tədbirlərinin o gədər də qənaətbəxş olmadığını, yeməkxana və yolüstü satış yerlərində hələ də ovlanmış çöl quşlarının satıldığını bildirdi. Məsələyə münasibət bildirən Salyan Rayon İcra Hakimiyyətinin başçısı Rasim Bəşirov bildirdi ki, rayonda olan müvafiq qurumların fəaliyyətinin əlaqələndirilməsi üçün görülən tədbir də son illər daha da gücləndirilib və kon
kret tədbirlər görülməyə başlayıb. Respublika Baytarlıq Xidmətinin rəhbəri ismayıl İrsmayılov bildirdi ki. Ölkə ərazisində indiyədək keçirilmiş çox saylı monitorinqlər nəticəsində ev və çöl quşları arasında H5N1 virusu aşkarlanmayıb. Buna baxmayaraq Xidmətin yerli qurumları gücləndirilmiş iş rejimində fəaliyyət göstərir.
