Azərbaycan, Bakı / Trend , müxbir İ.Əlizadə / Azərbaycan Milli İstiqla l Partiyası (AMİP) mart ayının əvvəllərində İran İslam Respublikasının Bakıdakı səfirliyi qarşısında növbəti aksiya keçirəcək. Bu barədə Trend ə açıqlamasında AMİP-in mətbuat və təbliğat katibi Əli Orucov məlumat verib.
Ə.Orucov qeyd edib ki, İranda Ana dili bayramı qeyd olunduğu gün-fevralın 21-də səfirlik qarşısında piket keçirmək istəsələr də obyektiv səbəblərə görə bu baş tutmayıb.
"Növbəti piketlərimiz də əvvəlki tələblərlə keçiriləcək", -deyə Əli Orucov vurğulayıb.
Qeyd edək ki, AMİP İran İslam Respublikasının Azərbaycandakı səfirliyi qarşısında Cənubi Azərbaycanda yaşayan soydaşlarımıza qarşı təzyiqlərin dayandırılması, azərbaycanlıların milli haqqlarının təmin olunması tələbi ilə bir necə dəfə piketlər keçirib.
Qeyd edək ki, AMİP 1992-ci ildə yaradılan və Azərbaycanda ilk dövlət qeydiyyatına alınan partiyadır. Müxalifəti təmsil edən AMİP-in qurucusu və 2004-cü ilin sonunadək sədri olan Etibar Məmmədov hazırda Beynəlxalq Demokrat İttifaqının (BDİ) sədr müavinidir. E.Məmmədov partiyanın lideridir . AMİP-in hazırkı sədri Ayaz Rüstəmovdur.