Azərbaycan, Qazax, 04 fevral / Trend , müxbr N.Fətullayeva/ Tovuz rayonunun sərhəd kəndlərində hepatitə yoluxanların sayı artıb. Bu barədə bazar ertəsi Trend ə rayon Gigiyena və Epidemiologiya Mərkəzinin baş həkimi Arifə Ağayeva məlumat verib. Onun sözlərinə görə, hepatit A virusuna yoluxma ilə bağlı qeydə alınan xəstələrin 60 faizi sərhəd kəndlərin sakinləridir.
Ağayeva bildirib ki, 2006-cı ildə hepatit A virusundan əziyyət çəkənlərin sayı 38 olduğu halda, ötən il onların sayı 60-a çatıb. Onlardan 6-sı orta məktəb şagirdidir.
Baş həkim sərhəd kəndlərdəki sakinlərin yaşayış şəraitinin pis olması, istilik təchizatındakı problemlər, məktəblərdə döşəmələrin rütubətli torpaqdan ibarət olması və sair halların hepatit A virusunun artmasının səbəblərindən olduğunu vurğulayıb.
Tovuz paytaxt Bakıdan 450 kilometr qərbdə yerləşir.
