...

Azərbaycanın Teleradio Şurasının Monitorinq Mərkəzi fəaliyyətə başlayacaq

Cəmiyyət Materials 26 Aprel 2008 12:12 (UTC +04:00)

Azərbaycan, Bakı, 25 aprel / Trend , müxbir S.İlhamqızı/ Milli Televiziya və Radio Şurasının Gəncə şəhərində Monitorinq Mərkəzi yaradılır. Bu barədə Trend a Milli Teleradio Şurasının sədri Nuşirəvan Məhərrəmli məlumat verib.

O bildirib ki, Şura ölkə telekanallarının fəaliyyətinin monitorinqini davam etdirir. Bölgə telekanallarının monitorinqini aparmaq üçsün bölgələrin özündə mərkəzlərin açılması nəzərdə tutulur. İlk belə mərkəz Gəncə şəhərində yaradılacaq və artıq bu ilin iyun-iyul aylarında fəaliyyətə başlaması planlaşdırılır.

"Biz bölgə kanallarının yalnız bir günlük yayımının monitorinqini apara bilirik, lakin yerli mərkəzlərimiz açıldıqdan sonra artıq monitorinqlə onlar məşğul olacaqlar və bu işi daha əhatəli həyata keçirəcəklər" - deyə Məhərrəmli bildirib.

Müəlliflə əlaqə saxlamaq üçün elektron ünvan - [email protected]

Xəbər lenti

Xəbər lenti