Azərbaycan, Bakı, 26 sentyabr/ Trend , müxbir S.Ağayeva/ Heydər Əliyev Fondu Paralimpiya Oyunlarının qalibləri üçün təqaüdlər təsis edib. Təqaüdçülər siyahısında Sidney, Afina və Pekin Paralimpiya Oyunları qaliblərinin adları var.
Azərbaycan son illərdə dünyada idman ölkəsi kimi məşhurlaşıb, - cümə günü Bakıda Fondun prezidenti, UNESCO və ISESCO - nun xoşməramlı səfiri Mehriban Əliyeva Azərbaycan paralimpiyaçıları ilə görüşdə deyib.
Cari ildə Azərbaycan idmançılarının Olimpiya və Paralimpiya Oyunlarındakı son nəticələri bunu bütün dünyaya nümayiş etdirib,- Azərbaycanın birinci xanımı bildirib.
Azərbaycan
idmançıları Pekində 17 medal qazanıblar.
Heydər Əliyev Fondunun rəhbərliyi Paralimpiya
Oyunlarının bütün 11 mükafatçısı
üçün təqaüdlər təyin edib.