Azərbaycan, Bakı 29 oktyabr / , müxbir K.Zərbalıyeva/ "Loğman" Tibb Məktəbinin direktoru barəsində hökm çıxarılıb.
Bakının Binəqədi rayon məhkəməsindən çərşənbə günü Trend -a verilən məlumata görə, Cinayət Məcəlləsinin vəzifə səlahiyyətlərindən sui -istifadə (308.1)maddəsi ilə ittiham olunan Rəmziyyə Abdullayeva məhkəmənin hökmü ilə 2000 manat məbləğində cərimələnib.
"Loğman" Tibb Məktəbinin qanunsuz tələbə qəbulu aparması faktı ilə bağlı Baş Prokurorluğun Korrupsiyaya Qarşı Mübarizə İdarəsində cinayət işi başlanıb.
Təhsil Nazirliyinin müraciəti əsasında faktla bağlı Cinayət Məcəlləsinin vəzifə səlahiyyətlərindən sui - istifadə (308.1) maddəsi ilə cinayət işi açılıb.
Bundan sonra Nazirlər Kabineti "Loğman" tibb məktəbinin 1996 - cı il fevralın 12 - də aldığı lisenziyanın qüvvədən düşməsi barədə qərar verib.
Təhsil Nazirliyinin qərarı ilə tibb sahəsində özəl ali məktəblərə tələbə qəbulu qadağan edilib. Tələbə Qəbulu Üzrə Dövlət Komissiyası həmin qərara uyğun olaraq, 2007-2008 -ci illər üçün həmin məktəbə tələbə qəbulu həyata keçirməyib.
"Loğman" Tibb Məktəbi bu tədris ili üçün birinci kursa qanunsuz olaraq 450 tələbənin qəbulunu həyata keçirib.
Müəlliflə əlaqə saxlamaq üçün elektron ünvan- [email protected]
