Azərbaycan, Bakı, 05 iyun / Trend , müxbir Ü.İsmayılova /
Bakı Dövlət Universiteti yaxınlığında yerləşən "İlahiyyət" məscidinin normal fəaliyyəti üçün şəhər mərkəzindən uzaqda iritutumlu yeni məscid tikilməlidir, Trend -un məlumatına görə, cümə günü bu barədə Yeni Azərbaycan Partiyasında (YAP) keçirdiyi mətbuat konfransında BDU-nun rektoru Abel Məhərrəmov bildirib.
Trend -un arayışı: BDU rəhbərliyi ötən ayın sonlarında məscidin fəaliyyətinin universitetdə dərs keçirilməsinə mane olması barədə müvafiq qurumlara müraciət etmişdir. Bununla bağlı məscidin fəaliyyəti müvəqqəti bağlanmışdır.
Rektorun sözlərinə görə, "İlahiyyat" məscidinin tutumu 250-300 nəfər üçündür. Ancaq son aylarda bəzən məscidə namaz qılmaq üçün 8 min adam gəlir.
"Məscidə gələnlərin əhatə dairəsi bəzən bir kilometr ərazini tutur. Digər tərəfdən yüksək azan səsi universitetdə dərslərin keçirilməsinə maneə olur", - Məhərrəmov əlavə edib.
Onun sözlərinə görə, məscid 1991-93-cü illərdə tikilib. Onun BDU ilə heç bir bağlılığı yoxdur.
Məqalə müəllifi ilə əlaqə ünvanı: [email protected]