Azərbaycan, Bakı, 09 iyul / Trend , müxbir K. Zərbalıyeva /
Azərbaycan Polis Akademiyası və Milli Təhlükəsizlik Nazirliyinin Akademiyasına sənəd vermiş abituriyentlər arasında III ixtisas qrupu üzrə qəbul imtahanının nəticələrinə əsasən müsabiqə keçirilib.
Tələbə Qəbulu üzrə Dövlət Komissiyasından cümə axşamı Trend -a verilən məlumata görə, Polis Akademiyasına keçid balı 407, MTN-in Akademiyasına isə 423 bal olub.
Müsabiqə nəticəsində Polis Akademiyasına qəbul olunmuş tələbələrin siyahısı Daxili İşlər Nazirliyinə, MTN-in Akademiyasına qəbul olunmuş tələbələrin siyahısı Milli Təhlükəsizlik Nazirliyinə göndərilib.
Həmin ali məktəblərə sənəd vermiş və müsabiqədən keçmiş tələbələr adıçəkilən ali məktəblərə müraciət edərək qeydiyyatdan keçməlidirlər.
Məqalə müəllifi ilə əlaqə ünvanı: [email protected]