Azərbaycan, Bakı, 04 noyabr / Trend , müxbir H.Bağırov/
Azərbaycan məhkəməsi iş adamını qətlə yetirməkdə təqsirli bilinən Gədəbəy sakininə cəza verib.
Trend -un məlumatına görə, çərşənbə günü Ağır Cinayətlərə Dair İşlər üzrə Məhkəmənin hökmü ilə Cinayət Məcəlləsinin qəsdən adamöldürmə (120.1) maddəsi ilə təqsirli bilinən Sevda Məmmədova 10 il azadlıqdan məhrum edilib.
İttihama görə, 19 avqust 2002-ci ildə Gəncə şəhəri, Dədə Qorqud küçəsindəki 7 "A" saylı binanın 5-ci mənzilində "Xəyal" mebel mağazasının müdiri Nəriman Müstəcəb oğlu Ələsgərov Məmmədova tərəfindən qətlə yetirilib.
Məmmədova həmin vaxtdan istintaqdan yayınaraq gizlənib. Məmmədova bu il iyunun 17-də saxlanılaraq istintaqa təhvil verilib.
Məqalə müəllifi ilə əlaqə ünvanı: [email protected]