Azərbaycan, Bakı, 18 noyabr / Trend , müxbir H.Bağırov/
İrandan Azərbaycana qaçaqmalçılıq yolu ilə narkotik vasitələr gətirməkdə ittiham olunan qadınlar cəzalandırılıb.
Trend -un məlumatına görə, çərşənbə günü Ağır Cinayətlərə Dair İşlər üzrə Məhkəmənin hökmü ilə Gülmirə Əliyevaya 7 il 6 ay azadlıqdan məhrumetmə cəzası verilib.
Məhkəmə Elmira Rəhimovaya isə 6 ay həbs cəzası təyin edib. Rəhimovanın cəzası həbsdə olduğu müddətlə hesablanaraq məhkəmə zalından azad edilib.
Təqsirləndirilən şəxslər Cinayət Məcəlləsinin qaçaqmalçılıq (206.3.2), külli miqdarda narkotik vasitələri, psixotrop maddələri və ya prekursorları hazırlama, istehsal etmə, əldə etmə, saxlama, daşıma, göndərmə və ya satma (234.4.3) maddələri ilə ittiham olunublar.
Bakı şəhər sakinləri - Gülmira Əliyeva və bacısı Elmira Rəhimova, habelə hazırda şəxsiyyəti istintaqla araşdırılan İran vətəndaşı və qeyriləri qabaqcadan əlbir olaraq satış məqsədilə külli miqdarda narkotik vasitəni qaçaqmalçılıq yolu ilə gömrük sərhədindən gömrük nəzarətindən gizli yolla İrandan Azərbaycan ərazisinə gətiriblər. Milli Təhlükəsizlik Nazirliyi əməkdaşlarının keçirdiyi əməliyyat nəticəsində hər iki şəxs tutulub.
Məqalə müəllifi ilə əlaqə ünvanı: [email protected]
