Azərbaycan, Bakı, 11 mart / Trend , müxbir M.Əliyev/
Azərbaycan Futbol Federasiyaları Assosiasiyası (AFFA) və UEFA prezidentləri arasında görüş keçiriləcək.
AFFA-nın mətbuat xidmətindən cümə axşamı Trend -a bildiriblər ki, martın 12-də İsveçrənin Nyon şəhərində, UEFA-nın mənzil-qərargahında UEFA-nın prezidenti Mişel Platini ilə AFFA prezidenti Rövnəq Abdullayev arasında görüş keçiriləcək. AFFA-nın vitse-prezidenti Elşad Nəsirov və baş katibi Elxan Məmmədovun iştirak edəcəyi görüşdə Azərbaycanda futbolun inkişafı ilə bağlı həyata keçirilən tədbirlər barədə məlumat veriləcək, yeni layihələr müzakirə olunacaq.