Azərbaycan, Bakı, 6 iyul /Trend, müxbir M.Əliyev/
Gürcüstandakı Azərbaycan orta məktəblərinin dərsliklərlə təminatı məsələsi bu ölkənin təhsil nazirinin Azərbaycana bu yaxınlarda baş tutan səfəri zamanı müzakirə olunub. Trend-in məlumatına görə, bunu jurnalistlərə açıqlamasında Azərbaycanın təhsil naziri Misir Mərdanov deyib.
"Gürcüstan müstəqil ölkədir. Onların dövlət qurumları Azərbaycan tərəfinə müraciət edərsə, Azərbaycan həmin dərslikləri Gürcüstana göndərə bilər", - nazir deyib.
Mərdanov bildirib ki, Gürcüstan tərəfi öz standartlarına uyğun dərsliklər buraxır. Bu dərsliklər Azərbaycan dilinə tərcümə edilən zaman Azərbaycanın ekspertləri tərəfindən yoxlanılır.