Azərbaycan, Bakı, 18 avqust / Trend, müxbir M.Əliyev/
Tələbə Qəbulu üzrə Dövlət Komissiyası (TQDK)ali təhsil müəssisələrinə yüksək balla qəbul olan gənclərin təcrübəsinin öyrənilməsi, yayılması, ictimaiyyətə tanıdılması və mükafatlandırılması məqsədilə bir sıra tədbirlər keçirəcək. Trend-in məlumatına görə, bu barədə TQDK-nın cümə axşamı yaydığı məlumatda bildirilir.
Komissiya 600 və daha yüksək bal toplayan gəncləri "Abituriyent" jurnalının 6-cı sayında və ya TQDK-nın internet saytında verilmiş anket sorğusunu dolduraraq və onunla birlikdə 1 ədəd 3x4 sm ölçüdə, keyfiyyətli çəkilmiş rəngli fotoşəkili TQDK-ya və ya onun Naxçıvan, Gəncə, Şəki, Lənkəran, Quba şəhərlərində yerləşən regional bölmələrindən birinə təqdim etmələrinə çağırır.
Məlumatda qeyd olunur ki, "Abituriyent" jurnalının ayrıca bir nömrəsi bütünlüklə yüksək ballar toplayanlara həsr ediləcək.