Azərbaycan, Bakı, 27 sentyabr /Trend, müxbir İ.İsabalayeva/
Bu ilin sonuna qədər Azərbaycana 2 milyon 100 min nəfər turistin gələcəyi gözlənilir. Trend-in məlumatına görə, bunu çərşənbə axşamı Bakıda keçirilən ümumrespublika daxili turizm konfransında çıxışı zamanı mədəniyyət və turizm naziri Əbülfəs Qarayev deyib.
Onun sözlərinə görə, bu il Azərbaycana gələn turistlərin sayı 1 milyon 600 minə çatıb. Ötən ilə nisbətən Azərbaycana gələn turistlərin sayı 14 faiz artıb.
Nazir qeyd edib ki, növbəti 5 ildə Azərbaycana gələn turistlərin sayının 3 milyona çatdırılması qarşıya məqsəd qoyulub.
"Hazırda 46 turizm obyekti inşa edilir. Bu ilin əvvəlindən indiyədək 22 turizm obyekti təhvil verilib", - Qarayev əlavə edib.
Nazir builki yay turizm mövsümünün nəticələrini də yüksək qiymətləndirib. Onun sözlərinə görə, bu il Azərbaycan vətəndaşları ötən ilə nisbətən daha ucuz qiymətə dincələ biliblər.