Azərbaycan, Bakı, 7 dekabr / Trend müxbir İ.İsabalayeva/
2011-ci ilin noyabr ayı ərzində Ekologiya və Təbii Sərvətlər Nazirliyinin "Qaynar xətt"inə daxil olmuş 121 müraciətlə bağlı araşdırma aparılaraq qanuna müvafiq tədbirlər görülüb.
Nazirliyin mətbuat xidmətindən çərşənbə günü Trend-ə verilən məlumata görə, ağacların aşma təhlükəsinin olması ilə əlaqədar daxil olmuş 97 müraciətə dair yerində baxış keçirilib. Təhlükə yaradan ağaclarla bağlı müvafiq rəy və təkliflər verilib.
Ağacların kəsilməsi ilə əlaqədar daxil olmuş 13 müraciətlə bağlı araşdırma aparılarkən 3 şikayət üzrə fakt təsdiqlənib və qanuna müvafiq tədbirlər görülüb, 10 müraciət isə öz təsdiqini tapmayıb.
Atmosfer havasının çirklənməsi, çirkab suların axıdılması, məişət tullantılarının qalaqlanması, səs-küy, yerin təkindən istifadə və elektromaqnit şüalanma ilə əlaqədar daxil olmuş 11 müraciətdən 2-si ilə bağlı qanuna müvafiq tədbirlər görülüb, 7 müraciət öz təsdiqini tapmayıb, 2 müraciət isə icradadır.
ETSN-nin 24 saat fəaliyyət göstərən "Qaynar xətt"i (539-18-63, 538-13-35) vasitəsilə ölkə ərazisində ətraf mühitin mühafizəsi ilə əlaqədar ekoloji tarazlığın qorunması, ekoloji qanunpozmalar və digər ekoloji hallar barədə müraciətlər qəbul edilir.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
