...

Son beş ildə Azərbaycan gömrükçüləri 490 mədəni sərvətin qanunsuz keçirilməsinin qarşısını alıb

Cəmiyyət Materials 14 Yanvar 2012 10:34 (UTC +04:00)
2007-2011-ci illər ərzində gömrük orqanları tərəfindən kitablar, xalçalar, tüfənglər, xəncərlər, qılınclar, çoxsaylı fiqurlar, musiqi aləti, qamçılar, samovarlar, pul sikkələri və digər əşyalardan ibarət 490 ədəd mədəni sərvətin gömrük sərhədindən qanunsuz keçirilməsinin qarşısı alınıb
Son beş ildə Azərbaycan gömrükçüləri 490 mədəni sərvətin qanunsuz keçirilməsinin qarşısını alıb

Azərbaycan, Bakı, 14 yanvar /Trend, müxbir K.Zərbalıyeva/

2007-2011-ci illər ərzində gömrük orqanları tərəfindən kitablar, xalçalar, tüfənglər, xəncərlər, qılınclar, çoxsaylı fiqurlar, musiqi aləti, qamçılar, samovarlar, pul sikkələri və digər əşyalardan ibarət 490 ədəd mədəni sərvətin gömrük sərhədindən qanunsuz keçirilməsinin qarşısı alınıb. Trend-in məlumatına görə, bu barədə şənbə günü Dövlət Gömrük Komitəsinin Gömrük Sahəsində Hüquqpozmalara Qarşı Mübarizə Baş İdarəsinin rəisi, gömrük xidməti general-mayoru Güloğlan Muradlı deyib. Məlumatı DGK-nin rəsmi saytı yayıb.

Muradlı bildirib ki, indiyədək gömrük orqanları tərəfindən müsadirə edilən yüzlərlə qədim əlyazma kitablar, ikonalar və digər mədəni sərvətlər aidiyyəti üzrə Milli Elmlər Akademiyasının A.A.Bakıxanov adına Tarix və Məhəmməd Füzuli adına Əlyazmalar institutlarına, İncəsənət Muzeyinə, Naxçıvan Dövlət Xalçaçılıq Muzeyinə, Qafqaz Müsəlmanları İdarəsinə, Təzə Pir məscidinə, Bakıdakı Rus Pravoslav Kilsəsinə, Müqəddəs Jen-Mironosets kilsəsinə, Roma Katolik kilsəsinin Azərbaycandakı nümayəndəliyinə və digər təşkilatlara əvəzsiz olaraq verilib.

Onun sözlərinə görə, Rusiya Prezidenti Dmitri Medvedevin ötən il respublikamıza səfəri zamanı Azərbaycan Prezidenti İlham Əliyev tərəfindən ona təqdim olunan 5 qədim ikona da Azərbaycan gömrükçüləri tərəfindən qaçaqmalçılardan götürülüb.

Bu incəsənət əşyalarının bir qismi 2006-cı ildə yaradılmış Dövlət Gömrük Komitəsinin Gömrük Tarixi Muzeyi və onun bölməsində qiymətli eksponat kimi qorunur.

General-mayor bildirib ki, DGK-nin nümayəndə heyəti tərəfindən cinayətkarlığın qarşısının alınması və cinayət ədliyyəsi komissiyasının 19-cu sessiyası çərçivəsində BMT-nin Vyana bölməsində, Böyük Lüksemburq hersoqluğunda, Belçika Krallığında, İsveçrədə, Vatikanda, Rusiya Federasiyasında, Avstriyada, Argentina Respublikasında, Fransada, Gömrük Muzeyləri Beynəlxalq Assosiasiyasının illik konfransında "Azərbaycan gömrüyü mədəni irsin keşiyində" adlı sərgi təşkil edilib, bu sərgilərdə Azərbaycan gömrük orqanları tərəfindən müxtəlif vaxtlarda saxlanılan, mədəni dəyər kəsb edən əşyalar nümayiş olunub.

Xəbər lenti

Xəbər lenti