Azərbaycan, Bakı, 17 mart /Trend, müxbir K.Zərbalıyeva/
Azərbaycanda bir neçə rayona yeni prokuror təyin edilib.
Baş Prokurorluğun mətbuat xidmətinin rəhbəri Eldar Sultanov Trend-ə bildirib ki, Baş prokuror Zakir Qaralovun əmri ilə Fəxri Ələsgərov isə ikinci səlahiyyət müddətinə Xəzər rayon prokuroru vəzifəsinə təyin edilib.
Baş prokurorun digər əmrləri ilə Bakı şəhər prokurorluğunun İstintaq idarəsinin rəisi Zakir Saatov, Astara rayon prokuroru Əlixan Əliyev və Kürdəmir rayon prokuroru Nurəddin Qasımov səlahiyyət müddətlərinin başa çatması ilə əlaqədar tutduqları vəzifədən azad edilərək müvafiq olaraq Astara, Kürdəmir və Samux rayon prokuroru vəzifələrinə təyin olunublar.