Azərbaycan, Bakı, 12 aprel / Trend, müxbir H.Vəliyev /
Yaxın bir neçə ayda nəqliyyatın intellektual idarə edilməsi sisteminin tətbiqi layihəsinin I fazası çərçivəsində işlərin başa çatacağı gözlənilir. Bu barədə cümə axşamı Trend-ə Nəqliyyat Nazirliyinin Nəqliyyatı İntellektual İdarəetmə Mərkəzindən məlumat veriblər.
Birinci mərhələ çərçivəsində paytaxtın bütün ərazisində zəruri avadanlıqların quraşdırılması başa çatdırılacaq və hazırda onun optimallaşdırılması və sistemlə uyğunlaşdırılması üzrə işlər görülür.
"Sistem yaxın bir neçə ay ərzində planlaşdırılan optimallaşdırma işlərinin başa çatmasından sonra tam işləyəcək", - mərkəzdən deyiblər.
