Azərbaycan, Bakı, 13 iyun /Trend, müxbir İ.İsabalayeva/
Sabah Bakıda 14 İyun - Ümumdünya Qan Donoru Gününə həsr olunmuş qanvermə aksiyası keçiriləcək.
Qan Donorları Assosiasiyasından çərşənbə günü Trend-ə verilən məlumata görə, dünyanın bir çox ölkəsində 14 İyun - Ümumdünya Qan Donoru Günü kimi qeyd olunur. Bu münasibətlə Azərbaycanda da "Hilton Baku" hotelinin təşəbbüsü və Qan Donorları Assosiasiyasının təşkilatçılığı ilə könüllü qanvermə aksiyası təşkil olunacaq.
Aksiya saat 12:00-dan 15:00-dək "Hilton Baku" hotelində keçiriləcək.
Aksiya ictimaiyyət üçün açıqdır. Buna görə də səhhətində problem olmayan hər bir kəs bu aksiyada sərbəst iştirak edə bilər.