...

Azərbaycanda anadangəlmə ürək qüsurundan əziyyət çəkən 15 körpə əməliyyat olunacaq

Cəmiyyət Materials 15 Fevral 2013 17:32 (UTC +04:00)
Azərbaycan Səhiyyə Nazirliyinin Mərkəzi Neftçilər Xəstəxanasında anadangəlmə ürək qüsurundan əziyyət çəkən 15 körpə üzərində mürəkkəb cərrahi əməliyyatlar keçiriləcək.
Azərbaycanda anadangəlmə ürək qüsurundan əziyyət çəkən 15 körpə əməliyyat olunacaq

Trend-i buradan izləyin

Azərbaycan, Bakı, 15 fevral /Trend, müxbir İ.İsabalayeva/

Azərbaycan Səhiyyə Nazirliyinin Mərkəzi Neftçilər Xəstəxanasında anadangəlmə ürək qüsurundan əziyyət çəkən 15 körpə üzərində mürəkkəb cərrahi əməliyyatlar keçiriləcək.

Səhiyyə Nazirliyinin mətbuat xidmətindən cümə günü Trend-ə verilən məlumata görə, fevralın 18-dək ürək-damar cərrahı Rəşad Mahmudovun rəhbərliyi atlında xarici mütəxəssislərlə birgə cərrahi əməliyyatların icrası nəzərdə tutulub. Eyni zamanda, həmin müddətədək 50-yə yaxın xəstənin müayinəsi planlaşdırılır. Bu əməliyyatların 8-i Heydər Əliyev Fondunun ayırdığı maliyyə vəsaiti üzrə həyata keçiriləcək.

Fevralın 11-dən başlayaraq, Heydər Əliyev Fondunun təşəbbüsü və Səhiyyə Nazirliyinin təşkilatçılığı ilə Mərkəzi Neftçilər Xəstəxanasında ürək-damar xəstəlikləri üzrə treninq kursları keçirilir. Bu məqsədlə İtaliyanın Milan şəhəri San Donato Mərkəzinin uşaq ürək cərrahı professor Alessandro Giamberti ilə Almaniyanın Hamburq şəhəri Pediatrik Kardiologiya Klinikasının direktoru professor Coxen Vielin dəvət olunub. Bu treninqlərin keçirilməsi ölkədə təhsil alan gənc rezedentlərin tədrisi baxımından böyük əhəmiyyət kəsb edir, onların avropalı mütəxəssislərin təcrübələrindən yararlanmasına imkan verəcək.

Treninqlər fevralın 18-də yekunlaşacaq.

Məqalədə:
Xəbər lenti

Xəbər lenti