Azərbaycan, Bakı, 4 mart /Trend, müxbir H.Vəliyev/
Rabitə və İnformasiya Texnologiyaları Nazirliyinin "Aztelekom" İstehsalat Birliyi Ələt-Astara avtomobil yolunun 141-ci kilometrliyində Mişarçay üzərindəki körpünün dağılması nəticəsində (təxminən saat 03:00 radələrində) magistral rabitə xətlərində yaranmış qəzanı tamamilə aradan qaldırıb. Bu barədə bazar ertəsi Trend-ə açıqlamasında "Aztelekom" İB-nin mətbuat xidmətinin rəhbəri Vidadi İsmayılov bildirib.
Onun sözlərinə görə, bərpa işlərinə dərhal başlanılıb və əlaqənin fasiləsizliyini təmin etmək məqsədilə alternativ marşrut işə salınıb.