Azərbaycan, Bakı, 8 may /Trend, müxbir İ.İsabalayeva/
Sabah Azərbaycanın bəzi yerlərində yağış yağacaq.
Ekologiya və Təbii Sərvətlər Nazirliyi Milli Hidrometeorologiya Departamentinin Hidrometeoroloji Proqnozlar Bürosunun direktor müavini Gülşad Məmmədova çərşənbə günü Trend-ə bildirib ki, mayın 9-da Bakıda və Abşeron yarımadasında havanın dəyişkən buludlu olacağı, arabir tutulacağı, bəzi yerlərdə qısamüddətli yağış yağacağı, axşama doğru yağıntının tədricən kəsiləcəyi gözlənilir. Mülayim şimal-şərq küləyi əsəcək.
Gecə 11-16, gündüz 18-23 dərəcə isti olacağı gözlənilir.
Azərbaycanmın bölgələrində də mayın 9-da arabir yağış yağacaq, günün ikinci yarısında tədricən kəsiləcək. Mülayim qərb küləyi əsəcək.
Havanın temperaturu gecə 11-16, gündüz 20-25 dərəcə isti təşkil edəcək.
Mayın 10-da və 11-də havanın temperaturu ötən günlərlə müqayisədə 1-2 dərəcə yüksələcək.