Azərbaycan, Bakı, 5 iyun /Trend, müxbir İ.İsabalayeva/
Tələbə Qəbulu üzrə Dövlət Komissiyası (TQDK) 2012/2013-cü tədris ilində rayon (şəhər) təhsil şöbələri nəzdində fəaliyyət göstərən psixoloji-tibbi-pedaqoji komissiyaları tərəfindən tam və ümumi orta təhsil səviyyələri üzrə buraxılış imtahanlarından azad edilmiş sağlamlıq imkanları məhdud olan şagirdlərin siyahısını açıqlayıb.
TQDK-nın mətbuat xidmətindən Trend-ə verilən xəbərə görə, iyunun 4-dək təqdim edilən məlumatlara əsasən, belə uşaqların sayı 651 nəfərdir. Həmin şagirdlərin adı, məktəbi, iş nömrələri komissiyanın internet saytında yerləşdirilib.