...

FHN dəniz kənarında istirahət edənlərə xəbərdarlıq etdi

Cəmiyyət Materials 19 İyul 2013 18:05 (UTC +04:00)
Fövqəladə Hallar Nazirliyini əhaliyə xəbərdarlıq edir.
FHN dəniz kənarında istirahət edənlərə xəbərdarlıq etdi

Trend-i buradan izləyin

Azərbaycan, Bakı, 19 iyul /Trend/

Fövqəladə Hallar Nazirliyini əhaliyə xəbərdarlıq edir.

Trend-in məlumatına görə, FHN-in yaydığı məlumatda deyilir: "Bu günlər respublika ərazisində güclü küləyin əsməsinə baxmayaraq, istirahətini dəniz kənarında, çimərliklərdə keçirən insanlar əsas məsələni - şəxsi təhlükəsizliklərini yaddan çıxararaq dənizdə çimməyə can atırlar. Təbii ki, bu da bir sıra bədbəxt hadisələrin, insan həyatı üçün təhlükə yaradacaq halların baş verməsinə şərait yaradır".

Ekologiya və Təbii Sərvətlər Nazirliyi Milli Hidrometeorologiya Departamentinin məlumatına görə, bu gün və sabah güclü şimal-qərb küləyinin əsəcəyi bildirilir.

Qeyd olunur ki, çimərliyə gələn hər bir vətəndaş Fövqəladə Hallar Nazirliyinin Dövlət Sularda Xilasetmə Xidmətinin xilasedicilərinin tələblərinə sözsüz əməl etməli, küləkli və dalğalı havada dənizdə çimməyi müvəqqəti dayandırmalıdır. Çünki küləkli və dalğalı havada dənizə girmək həyat və sağlamlıq üçün təhlükəlidir.

Məqalədə:
Xəbər lenti

Xəbər lenti