Azərbaycan, Bakı, 16 oktyabr /Trend, müxbir İ.İsabalayeva/
Bu gündən Azərbaycanda havanın temperaturu yenidən tədricən 4-5 dərəcə yüksəlməyə başlayacaq.
Ekologiya və Təbii Sərvətlər Nazirliyindən Trend-ə verilən məlumata görə, oktyabrın 17, 18 və 19-da ölkə ərazisində havanın temperaturu əvvəlki günlərlə müqayisədə tədricən 4-5 dərəcə yüksək olacaq.
Bakıda və Abseron yarımadasında oktvabrın 17-də havanın dəyişkən buludlu, əsasən yağmursuz keçəcəyi gözlənilir. Gecə və səhər bəzi yerlərdə zəif duman müşahidə ediləcək. Cənub küləyinin sürəti 7-12 m/s olacaq. Havanın temperaturunun gecə 10-14, gündüz 20-25 dərəcə isti olacağı gözlənilir.
Azərbavcanın rayonlarında oktyabrın 17-də havanın əsasən yağmursuz keçəcəyi gözlənilir. Şərq küləyinin sürəti 5-10 m/s olacaq. Havanın temperaturunun gecə 10-15, gündüz 22-27 isti, dağlarda gecə 2-7 isti, gündüz 11-16 dərəcə isti olacağı gözlənilir.
Qeyd edək ki, oktyabrın 17, 18 və 19-da Bakıda havanın temperaturunun 27, rayonlarda isə 28 dərəcəyə yüksələcəyi gözlənilir. Oktyabrın III ongünlüyündə bəzi günlərdə temperaturun aşağı düşəcəyi proqnozlaşdırılır.