Azərbaycan, Bakı, 12 dekabr /Trend, müxbir R.Hafizoğlu/
İstanbul-Bakı aviareysi əlverişsiz hava şəraitinə görə təxirə salınıb. Trend-in məlumatına görə, bu barədə Türkiyənin "Sabah" qəzeti məlumat verib.
Məlumata əsasən, Türkiyədə bu gün ümumilikdə 48 aviareys təxirə salınıb ki, bunlardan 11-i beynəlxalq uçuşlardır.
Qəzetin məlumatına əsasən, təxirə salınan aviareyslər arasında İstanbul-Təbriz, İstanbul-Tbilisi reysləri də var.
Dünən Türkiyədə əlverişsiz hava şəraitinə görə 90 daxili aviareys təxirə salınıb.