...

Gəncədə daha bir orta məktəb əsaslı təmirdən sonra istifadəyə verilib (FOTO)

Cəmiyyət Materials 13 May 2014 18:04 (UTC +04:00)
Ümummilli lider Heydər Əliyevin anadan olmasının 91-ci ildönümü günlərində Gəncə şəhərində daha bir təhsil ocağı - şəhid Vaqif Əliyev adına 12 nömrəli tam orta məktəb əsaslı təmirdən sonra istifadəyə verilib.
Gəncədə daha bir orta məktəb əsaslı təmirdən sonra istifadəyə verilib (FOTO)

Trend-i buradan izləyin

Azərbaycan, Bakı, 13 may /Trend/

Ümummilli lider Heydər Əliyevin anadan olmasının 91-ci ildönümü günlərində Gəncə şəhərində daha bir təhsil ocağı - şəhid Vaqif Əliyev adına 12 nömrəli tam orta məktəb əsaslı təmirdən sonra istifadəyə verilib.

1988-ci ildə inşa edilmiş məktəb binası əsaslı təmir edilmədiyindən demək olar ki, qəzalı vəziyyətə düşmüşdü. Ölkə başçısının təhsilə göstərdiyi diqqət və qayğı nəticəsində bu tədris ocağı da tamamilə yenidən qurularaq ən müasir şəraitdə istifadəyə verilib. İndi 1075 nəfər şagird yerlik olan üçmərtəbəli məktəb binası öz simasını tanınmaz dərəcədə dəyişib, burada 40 sinif otağı, kitabxana, 2 idman zalı, akt zalı, kimya, fizika və gənclərin çağırışa qədərki hazırlığı kabinetləri, laboratoriyalar, psixoloq və tibb otaqları yaradılıb.

Tədris ocağının açılış mərasimində 77 nəfərlik pedaqoji kollektiv adından məktəbin müəllimi Həqiqət Məmmədova, valideynlər adından Natəvan Məmmədova, eləcə də şəhid Vaqif Əliyevin anası İradə Əliyeva çıxış edərək gənc nəslin təlim-tərbiyəsinə göstərilən diqqət və qayğıya görə ölkə başçısı İlham Əliyevə, eləcə də "Yeniləşən Azərbaycana yeni məktəblər" layihəsi çərçivəsində həyata keçirdiyi tədbirlərə görə Heydər Əliyev Fondunun prezidenti, millət vəkili Mehriban xanım Əliyevaya minnətdarlıqlarını bildiriblər.

Mərasimdə Gəncə şəhər İcra Hakimiyyətinin başçısı Elmar Vəliyev çıxış edərək yeni məktəb binasının istifadəyə verilməsi münasibətilə kollektivi təbrik edərək son iki ildə şəhərdə 31 məktəb, peşə liseyi və uşaq bağçasının tamamilə yenidən qurulduğunu qeyd edib və hazırda bu işin davam etdirildiyini diqqətə çatdırıb.

Məktəbin təmirində fəallıqla çalışan bir qrup inşaatçıya fəxri fərman və qiymətli hədiyyələr təqdim olunduqdan sonra Gəncə şəhər İcra Hakimiyyətinin başçısı E.Vəliyev şəhid Vaqif Əliyevin anası İ.Əliyeva ilə birlikdə məktəbin açılışını bildirən qırmızı lenti kəsiblər.

Mərasim iştirakçıları əsaslı təmirdən sonra məktəb binasında yaradılan şəraitlə tanış olublar.

Məqalədə:
Xəbər lenti

Xəbər lenti