...

Bakıda ağac kəsən şirkət 120 000 manat məbləğində cərimələnib

Cəmiyyət Materials 26 Avqust 2014 11:53 (UTC +04:00)
Avqustun 20-də Ekologiya və Təbii Sərvətlər Nazirliyinin "qaynar xətti"nə Xətai rayonu, General Şıxlınski 1B binasının qarşısında ağacların qanunsuz olaraq kəsilməsi barədə daxil olmuş şikayət Nazirliyin əməkdaşları tərəfindən yerində araşdırılıb.
Bakıda ağac kəsən şirkət 120 000 manat məbləğində cərimələnib

Trend-i buradan izləyin

Azərbaycan, Bakı, 26 avqust /Trend, müxbir Elçin Mehdiyev/

Avqustun 20-də Ekologiya və Təbii Sərvətlər Nazirliyinin "qaynar xətti"nə Xətai rayonu, General Şıxlınski 1B binasının qarşısında ağacların qanunsuz olaraq kəsilməsi barədə daxil olmuş şikayət Nazirliyin əməkdaşları tərəfindən yerində araşdırılıb.

Ekologiya və Təbii Sərvətlər Nazirliyinin mətbuat xidmətindən Trend-ə bildiriblər ki, araşdırma zamanı sözügedən ünvanda 4 ədəd ağac və 2 ədəd kol bitkisinin "Miraj" korporasiyası tərəfindən kəsilməsi faktı aşkar olunub. Eyni zamanda sözügedən korporasiya tərəfindən tikintisi aparılan qeyri-yaşayış obyektinin layihə sənədlərinə ekoloji ekspertiza rəyinin alınmadığı da məlum olub.

Faktla bağlı "Miraj" korporasiyası İnzibati Xətalar Məcəlləsinin müvafiq maddələrinə əsasən hüquqi şəxs qismində 120000 manat məbləğində cərimə edilib.

Hazırda ərazidəki digər ağaclar ETSN-nin aidiyyəti qurumlarının əməkdaşları tərəfindən nəzarətə götürülüb.

Məqalədə:
Xəbər lenti

Xəbər lenti