Gürcüstan, Tbilisi, 7 oktyabr /Trend, müxbir Nana Kirsxaliya/
Metallurgiya, mədən və kimya sənayesi işçilərinin Həmkarlar İttifaqının təşəbbüsü ilə oktyabrın 7-də Zestafoni şəhərində etiraz aksiyası keçiriləcək.
Aksiya "Layiqli əmək günü"nə həsr olunur. Etrazlarda Zestafoni ferroərinti zavodunun işçiləri, Tkibuli şaxtaçıları və Çiatura mədəninin fəhlələri iştirak edəcəklər.
Həmkarlar təşkilatının bildirdiyinə görə, işçilərin əsas tələbləri Əmək Məcəlləsinə əlavə və dəyişikliklər edilməsi, 176-cı Konvensiyanın ratifikasiya edilməsi, əmək müfəttişliyinin yaradılması olacaq.
