...

Gürcüstanda elektrik stansiyasının sipərlərinin açılması Kürün Azərbaycan hissəsinə təhlükə yaradacaqmı? -Rəsmi mövqe

Cəmiyyət Materials 1 İyul 2015 14:35
Gürcüstanın Ətraf Mühit və Təbii Sərvətlər Nazirliyi tərəfindən Kürdəki Ortaçala hidroelektrrik stansiyada sipərlərin açılması Kürün Azərbaycandanm keçən hissəsində suyun səviyyəsinin ciddi şəkildə yüksəlməsinə səbəb olmayacaq.
Gürcüstanda elektrik stansiyasının sipərlərinin açılması Kürün Azərbaycan hissəsinə təhlükə yaradacaqmı? -Rəsmi mövqe

Trend-i buradan izləyin

Azərbaycan, Bakı, 1 iyul /Trend, müxbir İlhamə İsabalayeva/

Gürcüstanın Ətraf Mühit və Təbii Sərvətlər Nazirliyi tərəfindən Kürdəki Ortaçala hidroelektrik stansiyasında sipərlərin açılması Kürün Azərbaycandan keçən hissəsində suyun səviyyəsinin ciddi şəkildə yüksəlməsinə səbəb olmayacaq. Bu barədə Trend-ə Azərbaycanın Ekologiya və Təbii Sərvətlər Nazirliyindən məlumat verilib.

Nazirlikdən bildirilib ki, Kür çayında aprel-may aylarında müşahidə edilən gursululuq dövründən sonra hazırda səviyyə sabitdir: "Ola bilər ki, sipərlərin açılması ilə əlaqədar suyun səviyyəsi qalxsın. Amma bu, ciddi səviyyədə artım ola bilməz. Çünki Kürün səviyyəsi indi yüksək deyil".

Nazirlikdən deyilib ki, Gürcüstanda iyunun 13-də Kür çayında baş verən daşqın zamanı da Kürün Azərbaycan hissəsində suyun səviyyəsi aşağı olmuşdu: "Həmin zaman da artımlar Azərbaycana ciddi təsir göstərməmişdi. İndi də Kürdə gursululuq dövründən sonra "aşağı səviyyə" dövrü müşahidə edilir. Buna görə də hər hansı ciddi artımın baş verməsi gözlənilən deyil".

Xatırladaq ki, dünən Gürcüstanın Ətraf Mühit və Təbii Sərvətlər Nazirliyi Kürdəki Ortaçala hidro elektrik stansiyasında suyun səviyyəsini minimuma endirmək üçün sipərləri açıb.

Məqalədə:
Xəbər lenti

Xəbər lenti