Azərbaycan, Bakı, 21 iyul /Trend/
Hazırda "Azercell Telecom" şirkətinin şəbəkəsində qlobal problem müşahidə olunmur. Bunu Trend-ə şirkətdən bildiriblər.
Azercell-dən deyiblər ki, ümumilikdə radiosiqnalın keyfiyyəti bu və ya digər ərazinin relyef xüsusiyyətlərindən, müxtəlif binaların yerləşməsindən, eləcə də abonentin istifadə etdiyi konkret mobil qurğunun özəlliklərindən asılı ola bilər: "Azercell" şəbəkəsini mütəmadi təkmilləşdirməyə davam edir".
Qeyd edək ki, oxucular Trend-ə çoxsaylı müraciətlərində bildirmişdilər ki, "Azercell" şəbəkəsində telefon danışığı zamanı tez-tez əlaqə kəsilir.