Bakı. Samir Əli - Trend:
Dövlətə xəyanətdə təqsirləndirilərək həbs edilən jurnalist Rauf Mirqədirovun səhhətində problem yaranıb.
Trend-in məlumatına görə, bu barədə R.Mirqədirovun vəkili Fuad Ağayev bildirib.
Vəkil deyib ki, R.Mirqədirov qan təzyiqindən əziyyət çəkir. Hazırda o, dərmanlar qəbul edir, beyindaxili qan təzyiqini normada saxlamaq üçün müalicə alır. Onun həbsxana şəraitində müalicəsi çətindir.
Xatırladaq ki, R.Mirqədirov Cinayət Məcəlləsinin 274-cü (dövlətə xəyanət) maddəsi ilə ittiham olunaraq Bakı Ağır Cinayətlər Məhkəməsinin hökmü ilə 6 il müddətinə azadlıqdan məhrum edilib.