...

Danimarka azərbaycanlıları Yerevanda faşist Qareginə heykəl qoyulmasına etiraz etdilər

Cəmiyyət Materials 29 İyun 2016 14:53
Danimarkada fəaliyyət göstərən “Vətən” və “Odlar yurdu” cəmiyyətləri bu ölkədəki azərbaycanlılar adından faşist generalı, Njde kimi tanınan Qaregin Ter-Arutunyana Ermənistan paytaxtında heykəl qoyulması ilə bağlı bir sıra qurumlara etiraz məktubu göndərib.
Danimarka azərbaycanlıları Yerevanda faşist Qareginə  heykəl qoyulmasına etiraz etdilər

Trend-i buradan izləyin

Bakı. Trend:

Danimarkada fəaliyyət göstərən “Vətən” və “Odlar yurdu” cəmiyyətləri bu ölkədəki azərbaycanlılar adından faşist generalı, Njde kimi tanınan Qaregin Ter-Arutunyana Ermənistan paytaxtında heykəl qoyulması ilə bağlı bir sıra qurumlara etiraz məktubu göndərib.

Bu barədə Trend-ə Diasporla İş üzrə Dövlət Komitəsindən verilən məlumatda bildirilir.

BMT Baş katibinə, Danimarka Xarici İşlər Nazirliyinə, Parlament rəhbərinə və millət vəkillərinə ünvanlanan məktubda Ermənistanda faşist generalına heykəl qoyulması pislənilir və bu, nasist cinayətkara bəraət qazandırmaq cəhdi kimi qiymətləndirilir.

Məktubda Njde haqqında geniş məlumat verilərək bildirilir ki, nasist ideologiyasına xidmət edən faşist general Hitlerin ölüm düşərgəsində həyata keçirilən kütləvi qətllərə görə tarix qarşısında məsuliyət daşıyır. 1948-ci ildə hərbi cinayətkar kimi 25 illik həbs cəzasına məhkum edilən və 1957-ci ildə Vladimir şəhərində ölən Njde hətta ölümündən sonra da bəraət ala bilməyib.

Məktubda BMT-nin nasizimin qərhərmanlaşdırılmasına qarşı mübarizə ilə bağlı qəbul etdiyi qətnamə xatırladılır və bütün bunların fonunda Yerevanın mərkəzində faşist generala heykəl qoyulmasını Ermənistanın dünyaya meydan oxuması kimi qiymətləndirilir.

Danimarka azərbaycanlıları hesab edir ki, rəsmi Yerevanın bu addımı eyni zamanda İkinci Dünya müharibəsi qurbanlarının ruhunun təhqir olunmasıdır və dünya ictimaiyyəti nasizmin təbliği, nasist “qəhrəmanlara” bəraət qazandırmaq cəhdlərinin qarşısını almalıdır.

Məqalədə:
Xəbər lenti

Xəbər lenti