...

Bakıda piyadaların üstünü çirkləndirən sürücü məsuliyyətə cəlb edilib

Cəmiyyət Materials 4 Oktyabr 2017 12:54 (UTC +04:00)
Oktyabrın 3-də Bakıda 4 avtomobil sürücüsü ehtiyatsızlıq edərək piyadaların üst-başını çirkləndirib.
Bakıda piyadaların üstünü çirkləndirən sürücü məsuliyyətə cəlb edilib

Bakı. Samir Əli - Trend:

Oktyabrın 3-də Bakıda 4 avtomobil sürücüsü ehtiyatsızlıq edərək piyadaların üst-başını çirkləndirib.

Bu barədə Trend-ə Daxili İşlər Nazirliyinin Bakı şəhər Baş Polis İdarəsinin Dövlət Yol Polisi İdarəsinin bölmə rəisi, polis-polkovniki Vaqif Əsədov məlumat verib.

Bölmə rəisi bildirib ki, bəzi sürücülər hava şəraitini nəzərə almadan yollarda yüksək sürətlə hərəkət edir, yollarda yığılan yağış suları və lilli suya nəzər yetirmədən yol kənarı ilə hərəkət edən piyadaların üstünü çirkləndirirlər: "Bununla bağlı ötən gün 4 avtomobil sürücüsü barədə məlumat daxil olub. Artıq həmin avtomobillərdən birinin yeri müəyyənləşdirilərək saxlanılıb və sürücü inzibati qaydada məsuliyyətə cəlb edilib. Sürücülərdən xahiş edirik ki, hava şəraiti ilə əlaqədar yollardakı vəziyyəti nəzərə alsınlar və piyadalara diqqət yetirsinlər".

Məqalədə:
Xəbər lenti

Xəbər lenti