...

Turistlər üçün şərab turları təşkil edilsin - TƏKLİF

Cəmiyyət Materials 30 Avqust 2019 14:14 (UTC +04:00)
Azərbaycana gələn turistlər üçün şərab turlarının təşkil edilməsi təklif edilib.
Turistlər üçün şərab turları təşkil edilsin - TƏKLİF

Trend-i buradan izləyin

Şamaxı. İlhamə İsabalayeva - Trend:

Azərbaycana gələn turistlər üçün şərab turlarının təşkil edilməsi təklif edilib.

Trend-in məlumatına görə, bu təkliflə “Savalan” şərab zavodunun direktoru Əjdər Şəfizadə Şamaxıda I Üzüm və Şərab Festivalı çərçivəsində təşkil olunan “Azərbaycanda şərab sənayesinin inkişaf perspektivləri və ixrac potensialının inkişafı” adlı dəyirmi masada çıxış edib.

Onun sözlərinə görə, Azərbaycan şərablarının satış səviyyəsi artıq bir çox ölkələrdə yüksəlib. Amma son zamanlar şərabçılıq sahəsində inkişaf bir qədər zəifdir:

“Bunun birinci səbəbi bizim özümüzün Azərbaycanda istehsal olunan şərablara qiymət verməməyimizdir. Mən bir misal çəkmək istəyirəm. Kürdəmir bizim zavod şərabının satışına görə respublikada Bakıdan sonra ikinci rayon olub. Bu, məndə maraq yaratdığı üçün Kürdəmirdəki mağazalara baş çəkdim. Məlum oldu ki, bizim şərabları alanların çoxu Kürdəmirdəki almanlardır. Necə olur ki, almanlar bizim şərablara qiymət verirlər, biz özümüz ona qiymət vermirik. Təkcə şəraba deyil, Azərbaycanın bütün yerli məhsullarına ilk növbədə özümüz qiymət verməliyik. Azərbaycanın xarici ölkələrdəki diasporları və turizm amili birləşərsə, ölkəmizin şərablarının satış səviyyəsi bütün dünyada artar. Biz Azərbaycan şərabını tanıtmalıyıq”.

Qeyd edək ki, Şamaxı rayonunun Meysəri kəndində Azərbaycanda ilk dəfə Üzüm və Şərab Festivalı keçirilir. Tədbir “Şirvan şərabları” MMC-nin üzümçülük və şərabçılıq kompleksi ərazisində təşkil olunub.

Tədbirdə "Azərbaycan Sənaye Korporasiyası” ASC-nin törəmə müəssisələrindən biri olan Şəki şərab zavodunun direktoru Vidadi Həsənov da iştirak edib.

Məqalədə:
Xəbər lenti

Xəbər lenti