Bakı. Trend:
Nazirlər Kabineti ictimai nəqliyyatla bağlı yeni qərar qəbul edib.
Qurumdan Trend-ə verilən məlumata görə, Nazirlər Kabineti yanında Operativ Qərargahın ölkədə yaranmış sanitar-epidemioloji vəziyyəti nəzərə alaraq qəbul etdiyi qərara əsasən aşağıdakı tarixlər bütün ölkə üzrə ictimai nəqliyyatın hərəkəti dayandırılır:
- 2 yanvar saat 00:00-dan 4 yanvar saat 06:00-dək;
- 9 yanvar saat 00:00-dan 11 yanvar saat 06:00-dək;
- 16 yanvar saat 00:00-dan 18 yanvar saat 06:00-dək;
- 23 yanvar saat 00:00-dan 25 yanvar saat 06:00-dək;
- 30 yanvar saat 00:00-dan 31 yanvar saat 06:00-dək
Bu Qərar 2020-ci il 28 dekabr tarixindən qüvvəyə minir.