Bakı. İlhamə İsabalayeva - Trend:
Ümumdünya Səhiyyə Təşkilatının Azərbaycandakı nümayəndəliyinin rəhbəri Hande Harmancı COVİD-19-a qarşı peyvənd olunub.
Trend-in məlumatına görə, H.Harmancının vaksinasiyası Bakı Sağlamlıq Mərkəzində aparılıb.
Ona Çinin "Sinovac" şirkətinin istehsal etdiyi vaksin vurulub. Qeyd edək ki, tibb işçilərinə peyvəndin birinci dozası yanvarın 8-dən etibarən vurulub. Bu gün isə ikinci dozanın vurulmasına başlanılıb.