...

“İdeyadan uğurlu biznesə” müsabiqəsinin qalibləri açıqlanıb (FOTO)

Cəmiyyət Materials 13 Noyabr 2021 19:30 (UTC +04:00)
“İdeyadan uğurlu biznesə” müsabiqəsinin qalibləri açıqlanıb (FOTO)

Bakı. Trend:

Kiçik və Orta Biznesin İnkişafı Agentliyinin (KOBİA) və “Ekvita” şirkətinin dəstəyi ilə Avropa İttifaqının maliyyələşdirdiyi “Azərbaycanın kənd yerlərində sahibkarlığın inkişafına dəstək” layihəsi çərçivəsində keçirilən “İdeyadan uğurlu biznesə” startap müsabiqəsinin nəticələri açıqlanıb.

KOBİA-dan Trend-ə verilən məlumata görə, bu məqsədlə noyabrın 12-də İqtisadiyyat Nazirliyinin, KOBİA-nın, “Ekvita”nın nümayəndələrinin, Avropa İttifaqının ekspertinin və müsabiqə iştirakçılarının iştirakı ilə tədbir təşkil olunub. Qeyd olunub ki, müsabiqənin məqsədi Azərbaycan regionları üzrə ən uğurlu startapları müəyyən etmək və onlara dəstək göstərməkdir. Yeni biznes ideyaların, məhsul və xidmətlərin yaradılmasına və inkişafına dəstək göstərilməsi də müsabiqənin məqsədləri sırasındadır. Müsabiqəyə 95 startap layihəsi təqdim olunub. Layihələr yerli və xarici ekspertlərdən ibarət münsiflər heyəti tərəfindən qiymətləndirilib və 3 qalib müəyyən edilib. Qalib layihələr səhiyyə, kənd təsərrüfatı və qida sahələri ilə bağlıdır.

Tədbirin sonunda qaliblərə sertifikatlar və mükafat təqdim edilib.

Məqalədə:
Xəbər lenti

Xəbər lenti