Bakı. Trend:
Ötən illə müqayisədə Azərbaycanda taksilərdən istifadə edən sərnişinlərin sayı 2 faiz azalıb.
Trend-in məlumatına görə, 2022-ci ilin yanvar-noyabr aylarında avtomobil nəqliyyatı ilə 1 milyard 272,2 milyon sərnişin daşınıb və əvvəlki ilin eyni dövrü ilə müqayisədə 26,4 faiz artım qeydə alınıb.
Sərnişinlərin 94,0 faizi avtobus, 6,0 faizi isə minik taksilərinin xidmətlərindən istifadə edib.
2021-ci ilin eyni dövründə isə taksilərdən istifadə edən sərnişinlərin sayı daha çox olub. Belə ki, 2021-ci ilin yanvar-noyabr aylarında avtomobil nəqliyyatı ilə 1 milyard 6,3 milyon sərnişin daşınıb. Avtomobil nəqliyyatı üzrə sərnişinlərin 92 faizi avtobus, 8 faizi isə minik taksilərinin xidmətlərindən istifadə edib.