Bakı.Trend:
Bərdədə sexdə baş verən partlayış nəticəsində ustanın ölməsi faktı ilə bağlı araşdırma aparılır.
Bu barədə Trend-in sorğusuna cavab olaraq Baş Prokurorluğun Mətbuat xidmətindən bildirilib.
Qeyd edilib ki, avqustun 1-i saat 18 radələrində Bərdə rayon sakini, 1982-ci il təvəllüdlü Samir Hümbətovun özünə məxsus sexdə təkər təmir edən zaman təkərin partlaması nəticəsində almış olduğu xəsarətdən ölməsi faktı ilə bağlı rayon prokurorluğunda araşdırma aparılır.
Xatırladaq ki, hadisə şəhərin Heydər Əliyev prospektində baş vermişdi.