Bakı. Trend:
Azərbaycanda 4,9 maqnitudasında zəlzələ olub.
Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən Trend-ə verilən məlumata görə, zəlzələ Masallı və Cəlilabad rayonlarının sərhədində olub.
Zəlzələnin maqnitudası 4.9, dərinliyi isə 13 kilometrdə yerləşib. Ətraf rayonlarda isə 3 bala yaxın hiss edilib.
xxx
01:50
Cəlilabad rayonunda zəlzələ baş verib.
Trend-in məlumatına görə, bu barədə Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən bildirilib. İlkin məlumata görə, zəlzələnin maqnitudası 5-ə yaxındır.
Yeraltı təkanlar Lerik, Yardımlı, Beyləqan və Saatlıda hiss olunub.
xxx
01:30
Xəzər dənizində, Azərbaycan sahillərində 4,8 bal gücündə zəlzələ baş verib.
Trend-in məlumatına görə, bu barədə Avropa-Aralıq Seysmoloji Mərkəzi bildirib.
Məlumata əsasən, yeraltı təkanlar Lənkəran şəhərindən 30 kilometr aralıda qeydə alınıb.
Məlumata görə, zəlzələnin episentri Lənkəran şəhərindən 30 kilometr şimal-şərqdə, ocağı isə 35 kilometr dərinlikdə yerləşib.