Bakı. Trend:
Küveytdə qadınların gəliri getdikcə artır.
Trend xəbər verir ki, bunu Küveyt ailə işləri üzrə Ali Şurasının baş katibi Maryam Alazemi Bakıda “Qadınların hüquqlarının inkişaf etdirilməsi və səlahiyyətlərinin artırılması” mövzusunda keçirilən beynəlxalq konfransda çıxışı zamanı deyib.
"Küveytdə qadın hüquqlarına yüksək diqqət yetirilir. Qadın ölkənin inkişafında, dirçəldilməsində xüsusi rol oynayır. Qadının səlahiyyətləndirilməsi bizim üçün prioritet istiqamətlərdəndir”,- deyə o bildirib.
Qeyd edək ki, Bakıda Qoşulmama Hərəkatının konfransı keçirilir. Konfrans Qoşulmama Hərəkatının hazırkı sədri qismində Azərbaycan Respublikası ilə yanaşı, təsisatın növbəti sədrləri kimi Uqanda və Özbəkistanın birgə təşkilatçılığı ilə baş tutur.
Tədbirdə Qoşulmama Hərəkatına üzv ölkələrin, həmçinin təsisat yanında müşahidəçi statusuna malik dövlətlərin, beynəlxalq təşkilatların nümayəndələri, həmçinin xüsusi qonaq qismində dəvət olunan yüksək vəzifəli rəsmi şəxslər də daxil olmaqla, ümumilikdə 60-a yaxın nümayəndə heyəti iştirak edir.