...

Ötən il genişzolaqlı internet abunəçilərinin sayı 28 faiz artıb

Cəmiyyət Materials 21 Fevral 2024 02:45 (UTC +04:00)
Ötən il genişzolaqlı internet abunəçilərinin sayı 28 faiz artıb

Bakı. Trend:

2023-cü il ərzində Azərbaycanda sabit genişzolaqlı internet abunəçilərinin sayı təxminən 28 faiz artaraq 1,85 milyona çatıb.

Bu barədə Trend-ə İnformasiya Kommunikasiya Texnologiyaları Agentliyindən (İKTA) bildirilib.

Azərbaycanda özəl internet xidməti bazarının yaranması 2000-ci illərin əvvəlinə təsadüf edir. Belə ki, 2000-ci ildən etibarən ölkənin informasiya texnologiyaları bazarının ilk şirkətləri internet xidməti təklif etməyə başlayır. İnternetə artan tələbat nəticəsində davamlı olaraq yeni internet provayderləri bazara daxil olur və genişzolaqlı internet xidmətləri – əvvəlcə “DialUp”, daha sonra isə öz dövrünün ən yeni texnologiyası olan asimmetrik rəqəmsal abunəçi xətti (ADSL) vasitəsilə internet xidməti təklif edirlər.

Hazırda ölkədə internet xidmətinin göstərilməsi lisenziya tələb etməyən xidmət sahəsidir. İnternet telekommunikasiya xidməti göstərən operatorlar və provayderlər xidmət göstərməyə başladıqları vaxtdan 15 gün müddətində müvafiq icra hakimiyyəti orqanında uçota durmalı, qanunvericiliyin tələblərinə uyğun olaraq öhdəlik və tələbləri icra etməli, hesabatlı olmalıdırlar.

Xəbər lenti

Xəbər lenti