Bakı. Trend:
“PAŞA Bank İstedad Akademiyası” çərçivəsində həyata keçirilən
“Analytics Zone” layihəsinin bağlanış mərasimi baş tutmuşdur.
Seçim mərhələlərindən uğurla keçən namizədlər 2 aylıq təlim
sessiyalarında iştirak etmək hüququ qazanmışdılar. Bu müddət
ərzində "PAŞA Bank" ekspertləri tərəfindən analitika sahəsində,
həmçinin yumşaq bacarıqlar üzrə bir sıra mövzularda təlimlər
keçirilmişdir.
Proqramın son mərhələsi olaraq, yekun imtahan və müsahibələrdən
uğurla keçən iştirakçılar "PAŞA Bank"-da iş imkanı əldə ediblər.
Digər iştirakçılar isə bankımızın namizəd bazasına əlavə olunmaqla
yarana biləcək aktiv vakansiyalarımız üzrə
dəyərləndiriləcəklər.
Sahə üzrə aidiyyəti şəxslərin də iştirak etdiyi səhər yeməyi
formatında həyata keçirilən bağlanış mərasimində "PAŞA Bank"
liderləri öz təcrübə və tövsiyələrini proqram iştirakçıları ilə
paylaşıblar. Həmçinin, bağlanış mərasiminin bir hissəsi olaraq
təlimçilər və iştirakçılar sonda sertifikatla təltif olunublar.
Tədbirin sonunda iştirakçılara sual-cavab sessiyası təşkil olundu
və iştirakçılar təlimlərlə bağlı öz fikirlərini bölüşdülər.
Qeyd edək ki, proqrama ümumi olaraq 1021 müraciət daxil olmuşdur.
161 nəfər test, 94 nəfər müsahibə mərhələsinə keçid etmiş və son
olaraq 24 nəfər təlim sessiyalarında iştirak şansı qazanmışdır.
Bütün iştirakçıları təbrik edir və hər birinə uğurlar arzu
edirik!
